«Адамзат тура 55 жыл бұрын алғаш Айға аяқ басты»: Apollo 11 миссиясы

Осыдан тура 55 жыл бұрын адамзат алғаш рет Айға қадам басқан болатын. 1969 жылдың шілде айында Apollo 11 миссиясының ғарышкерлері — Нил Армстронг, Майкл Коллинз және Баз Олдрин ғарышқа ұшты.

NASA бүгін 55 жыл бұрын адамзат тарихында болған елеулі оқиға — Айға алғаш қадам басқандар жайлы ақпарат жариялады.

Осыдан тура 55 жыл бұрын Нил Армстронг, Майкл Коллинз және Баз Олдрин 1961 жылғы АҚШ президенті Джон Кеннеди қойған мақсатты орындады. Ұшатын күні ғарышкерлер  достары мен әріптестерімен, жақындарымен қош айтысты. Нартәуекелге бел байлаған ғарышкерлер айға қонып, артынша Жерге аман-есен оралды.

Ғарышкерлер Айға 1969 жылдың 20 шілдесінде жетті. Нил Армстронг Ай бетіне бірінші болып қадам басты. Одан кейін оған Базз Олдрин аяқ басты. Олар Америка туын орнатып, ғылыми эксперименттер жүргізіп, Айдың үлгілерін жинады.

1969 жылдың 24 шілдесінде Жерге оралу миссияның сәтті аяқталғанын мәлімдеді. Қайтып келгеннен кейін олар Айдан әкелінген үлгілерді зерттей бастады.

Міне, осыдан тура 55 жыл бұрын белгісіз бір кеңістікке адам баласы нар тәуекелге бел буып ұшқан болатын. Бұл адамзат үшін тарихи оқиға еді.