Адам өлтірді деген күдікті Германиядан экстрадицияланды

Кісі өлтірді деген күдікті Германиядан Қазақстанға экстрадицияланды, деп хабарлайды Бас прокуратураның баспасөз қызметі.

Германия Федеративтік Республикасының Үкіметі Қазақстан Бас прокуратурасының адам өлтірді деген күдікке ілінген азаматты экстрадициялау туралы өтінішін өзара принцип бойынша қанағаттандырды.

Мәлім болғандай, қылмыс 2017 жылы Орал қаласындағы автотұрақ аумағында жасалған, туындаған жанжал кезінде күдікті жәбірленушіге жеті пышақ жарақатын салып, ол қылмыс орнында қайтыс болған.

«Азамат Г. адам өліміне әкеп соқтырған заңсыз әрекет жасағаннан кейін қылмыстық қудалау органдарынан қашып, халықаралық іздеуге жарияланды. Бүгін ҚР Бас прокуратурасының, Ішкі істер министрлігінің қызметкерлері министрліктің көмегімен Сыртқы істер министрлігі күдіктіні қылмыстық жауапкершілікке тарту үшін Қазақстанға экстрадициялады» делінген Бас прокуратураның хабарламасында.

Күдікті Астанадағы уақытша ұстау изоляторына қамалды. Жоғарыда аталған қылмысты жасағаны үшін ол 8 жылдан 15 жылға дейін бас бостандығынан айырылуы мүмкін.

«Айта кетейік, күдіктіні Қазақстанға кезекті экстрадициялау біздің елдер арасындағы сенімнің жоғары деңгейін тағы бір рет көрсетеді» деп атап өтті ҚР Бас прокуратурасы.

Бұған дейін Бас прокуратура қазақстандықтардың қай елдерден экстрадицияланып жатқанын айтқан болатын. 2023 жылдың басынан бері іздеуде жүрген 684 адамның 473-і ұсталды, бұл 70 пайызды құрайды. Ресей, АҚШ, Түркия, Біріккен Араб Әмірліктері, Қырғызстан, Өзбекстан және Украинадан 95 азамат елге қайтарылды.