Әбіләзовтің сыбайласы сырттай қамауға алынды

Ресейдің Замоскворецк аудандық соты Қазақстанның БТА Банкі салымшыларынан ұрланған ақшаны заңдастырды деп айыпталып отырған ұлтшыл Александр Поткинді (Александр Белов ретінде танымал) сырттай қамауға алды.

 Бұл туралы ТАСС хабарлады.

Поткинге Ресей Федерациясы Қылмыстық кодексінің 174-бабының 4-бөлігі, «а» және «б» тармақтары бойынша ұйымдасқан топпен аса ірі көлемде қылмыстық жолмен алынған қаражатты заңдастырды деген айып тағылды. Оған жеті жылға дейін бас бостандығынан айыру жазасы төніп тұр. Қорғаушы тарап бірінші сатыдағы сот шешіміне шағым түсірді.

Поткиннің адвокаты жаңа айыптау 2015 жылғы эпизодқа байланысты екенін, ол кезде оның қорғаушысы экстремизм, ұлтаралық алауыздықты қоздыру және ақшаны заңдастыру үшін сотталғанын мәлімдеді. Тергеу мәліметтері бойынша, бұл қаражат Қазақстандық оппозиционер Мұхтар Әбіләзовтің иелігінде болған БТА Банкі салымшыларынан ұрланған. Қазақстанда Әбіләзовті 5 миллиард доллар ұрлады деп айыптап жатыр.

Тергеу Поткинге жаңа айыптаулар 2024 жылғы қаңтарда сырттай тағылғанын мәлімдейді. Осыдан кейін оған федералдық, одан әрі халықаралық іздеу салынды.

Еске сала кетсек, Поткинді Қазақстандағы саяси жағдайды бұзу мақсатында экстремистік қауымдастық құрды деп те айыптаған болатын.