Қабатов көмекшісі қағып өлтірген марқұмның отбасына өтемақы төлеуден бас тартуда

Белгілі әзілкеш, әрі тележүргізуші Тұрсынбек Қабатов пен оның көмекшісі Қарағанды облысында орын алған қайғылы жол апаты бойынша үкімге шағым түсірді.

Бұл туралы Orda.kz inbusiness.kz сайтына сілтеме жасап хабарлайды. 

Қазақстандық жұлдыз Тұрсынбек Қабатов жесір қалған әйелге қаржының жартысын, яғни жалпы – 8 млн теңгенің 4 миллионын төлеуі тиіс. Өйткені, сот төлемдерді ортақ тәртіппен анықтады. Оның көмекшісі апаттың өлім жағдайына әкелгенін мойындамайды. Ол жәбірленушінің мас болғанын және қараңғы уақытта жолға жүгіргенін айтты.

Апелляцияны Нұр-Сұлтан қаласының сот алқасының төрағасы Әділхан Шайхисламов және судьялар Мұрат Солтыбаев, Алма Есімовамен бірге қарады.

– Адвокаттар сотталған адамның кінәсінің дәлелденбегені үшін ҚК-нің 345-бабы бойынша ақтау туралы және ҚК-нің 346-бабы бойынша жазаны жеңілдету туралы өтінішін алға тартады. Бұл тәуліктің қараңғы уақытында жүріс бөлігінің ортасында мас күйінде болған жәбірленушінің әрекеттеріне баға берілмегенін көрсетеді. Алайда, бұл сотталушының жол қозғалысы ережелерін өрескел бұзғанын ақтауға негіз бола алмайды, – деді Әділхан Шайхисламов.

Тұрсынбек Қабатовтың апелляциясы қайтарылды.

– Азаматтық сот ісі дұрыс шешілді. Моральдық зиян келтіргені үшін жауапкершілік сотталған адамға және көлік иесіне ортақ тәртіппен негізделген түрде жүктеледі. Кабатов өз еркімен көмекшісіне көлігін тапсырды. Яғни, оған көлік құралын сеніп тапсырды. Сот үкімі өзгермейді, – деп жариялады сот алқасы.

Қайғылы оқиға 2019 жылдың қазан айында Нұра ауданы Ахмет ауылында болған. Қабатов иелік ететін Lexus автокөлігімен оның көмекшісі 34 жастағы Ерлан Омарқұловты қағып кетті. Салдарынан жүргінші оқиға орнында қаза тапқан.

«2021 жылғы 16 тамызда Нұр-сұлтан қаласы Алматы ауданының №2 аудандық соты Т.Ә.Қасенбайға қатысты айыптау үкімін шығарды.

Т.А.Қасенбайға абайсызда адам өліміне әкеп соққан автомобильді басқаратын адамның ЖҚЕ бұзғаны үшін (ҚК 3 Сот үкімімен Т.А.Қасенбай ҚК-нің 345-бабының 3-бөлігі, 346-бабының 1-бөлігі, 58-бабының 2-бөлігі бойынша) көлік құралын жүргізуге тыйым сала отырып, 4 жылға бас бостандығынан айрылды» делінген Нұр-Сұлтан қалалық сотының ресми сайтында.

Сот жесір қалған әйелдің пайдасына сотталушы мен Қабатовтан жалпы сомасы 8 миллион теңгені өндіріп алу туралы қаулы шығарды.