Абайда зорланған баланың жанжалы үш жылдан кейін жалғасын тапты

Желі қолданушылары арасында жаңа жанжал туындады. The Villiage басылымы Оңтүстік Қазақстанда осыдан 3 жыл бұрын зорланған бала туралы мақала жариялады. Балалар омбудсмені Аружан Саин бұл хабарламаға қатысты пікір білдірді.

Бұл туралы Orda.kz хабарлады.

Мақалада осыдан үш жыл бұрын Абай ауылында (бұрынғы Оңтүстік Қазақстан облысы) зорланған жеті жасар баланың оқиғасы баяндалады.

Басылым олардың ауылдастарының қысымынан далаға шығудан қалғаны туралы мәлімдеді. Олардың айтуынша, анасы мен баласы еріктілер берген Алматы пәтерінде аз ғана уақыт тұрып, ол жерден көшіп кеткен.

 – Біз олардың әлі де осы үйде тұратынын кездейсоқ білдік. Бүкіл Қазақстан оларға Алматыдан баспана берілгеніне сенімді болды, бірақ олай емес екені белгілі болды. Олар тек сырттағы дәретханаға бару үшін ғана далаға шығады. Жәйдан-жәй есік ашпайды. Ескірген үйде дәретхана да жоқ, үйдегі ең қымбат зат - нашар жұмыс істейтін теледидар, - делінген мақалада.

Оның үстіне үш жылда шенеуніктер мен полицейлердің ешқайсысы жазаланбағаны туралы айтылған. Оқиға орын алған мектеп директоры уақытша жұмыстан шеттетіліп, біраз уақыттан кейін ол қайта тағайындалды. Сондай-ақ, оқиғаның артын тыныш жабуға тырысқан жергілікті полиция бастығының қылмыстық ісі жабылған. Ол да өз жұмысын жалғастырып жүр.

Маған жасалған шабуыл — Аружан Саин

Мақала әлеуметтік желілерде белсенді талқыланғаннан кейін, балалар омбудсмені Аружан Саин пікірталасқа қосылды. Ол The Villiage-дегі ақпаратты жоққа шығарып, мақаланы «маған жасалған шабуыл» деп атады. Бұл туралы ол өзінің Facebook парақшасында жазды.

– Бұл ақпаратты насихаттаудың артында бірнеше жыл бойы біздің қорымызға және маған жеке өтірік пен жала жабу арқылы шабуыл жасап жүрген адамдар тұруы мүмкін, - деді Саин.

Оның айтуынша, анасы мен баласы Алматыда еріктілер пәтерінде тұрып жатыр. Олар туған ауылындағы әжесіне жәй ғана қонаққа барған.

– Бүгін мен баланың анасымен сөйлестім. Бала мектепте, демалыс кезінде екеуі әжесіне қонаққа барған. Анасы мақала туралы ештеңе білмейді, анасынан сұрап көремін деді. Сәйкесінше, мақалада баланың ауылда өмір сүріп жатқандығы туралы ақпарат шындыққа сәйкес келмейді, - деп жазды Аружан Саин.

Алайда, ол бұл оқиғаға кінәлілердің кейбірі халықтың наразылығына қарамастан өз орындарын сақтап қалғанын растады.

Басылым журналистері репортаж жарияланғаннан кейін оларға шабуыл жасалып, редакцияға материалды алып тастау талап етілгенін хабарлады.

ҚР Ақпарат және әлеуметтік даму министрлігі «журналистерге қысым көрсетуге болмайды» деп мәлімдеп, сайт қызметкерлеріне көмек көрсетілетіні туралы хабарлады. Бірақ, бөлімде айтылғандай, мәтіндегі ақпараттың дұрыстығына автор мен басылымның өзі жауап беруі керек.