Абай облысындағы жол-көлік оқиғасынан зардап шеккен қызды санитарлық авиация Семейге жеткізді

Абай облысындағы қайғылы оқиға салдарынан ауыр жарақат алған үшінші бала санитарлық авиация бортымен Семейге жеткізілді, деп хабарлайды Orda.kz.

Жол-көлік оқиғасында үш бала қаза тауып, үшеуі жарақат алды. Олардың екеуі Астанаға жеткізілді, ал қыз Үржар аудандық ауруханасында қалды. 23 тамызда ғана оның жағдайы тұрақты деп танылды және санитарлық авиация баланы Семей медициналық университетінің госпиталіне жеткізді.

«Апаттан кейін оны облыс орталығына жеткізу мүмкін болмады, жарақаттаыр тым ауыр болды және өмірлеріне қауіп төнді. Тұрақты бақылаудан және тексерістен кейін дәрігерлер Семей қаласына тасымалдауды мүмкін деп тапты»  деп хабарлады өңірдің денсаулық сақтау басқармасы. 

Алғашқы күннен бастап Медицина университеті госпиталінің мамандары Үржар ауруханасы базасында көмек көрсетіп, тасымалдау кезінде қызбен бірге еріп жүрді. Қазір ол реанимация және қарқынды терапия бөлімінде жатыр. Емдеу облыс әкімі Берік Уәлидің жеке бақылауымен жүргізіледі.

Қайғылы оқиға 2025 жылғы 19 тамызда сағат 16: 00-де Үржар ауданы Бестерек ауылында болды. Алдын ала мәліметтер бойынша, 55 жастағы Toyota жүргізушісі басқаруын жоғалтып, жолдан небәрі он метр қашықтықтағы үйдің қақпасында  ойнап жүген бір топ баланы қағып кеткен. Олардың екеуі оқиға орнында, тағы бір бала ауруханаға барар жолда қайтыс болды. Үш бала түрлі жарақаттар алды.

Тергеу жалғасуда: ЖКО фактісі бойынша қылмыстық іс қозғалды. Жүргізуші уақытша ұстау изоляторына қамалды. Куәландыру оның апат кезінде сау болғанын растады.

Президент Қасым-Жомарт Тоқаевтың тапсырмасы бойынша Абай облысына әскери-көлік авиациясының бортында Астанадан мамандар - нейрохирург, травматолог және реаниматолог келді. Кейін әкімдікте қаза болған балалардың отбасыларына қажетті көмек көрсетілетіні туралы хабарлады.