Абай облысындағы өрттен болған шығынды кім өтейді?

«Қазавиаорманқорғаудың» бұрынғы басшысы Талғат Әлиев айыппұл төлеуге міндеттелді, деп хабарлайды Orda.kz.

2023 жылдың жазында «Семей орманы» резерватындағы ірі өрт үшін Талғат Әлиев 2 жылға сотталды және Экология министрлігіне 161 млрд теңге айыппұл төлеуге міндеттелді. Ол немқұрайлылығы үшін кінәлі деп танылды.

«Семей орманын» бақылайтын өрт сөндірушілер белгіленген мерзімде оқудан өтпей, куәліктерін жаңартпаған. Әлиев өртті сөндіру кезінде тікұшақты дұрыс таңдамағаны үшін айыпталды. МИ-2 тікұшағы орман және қолжетімсіз жерлердегі өртті сөндіруге жарамсыз екені белгілі болды. Тікұшақтың техникалық мүмкіндіктері өршіп тұрған өртке жеткіліксіз болып, өрт аумағы 0,02 гектардан 100 гектарға дейін ұлғайды.