Абай облысындағы орман өрті саябырсыды

Төтенше жағдайлар министрлігі 14 маусым күні сағат 21:00-де әуеден барлау және жедел жағдайды бағалау қорытындысы бойынша Абай облысындағы Семей орманы табиғи резерватының аумағындағы табиғи өрттің саябырсығанын жариялады.

Министрліктің баспасөз қызметі хабарлағандай, өрт толық жойылғанға дейін оқшауланған ошақтардың орындарына үнемі су төгу, сондай-ақ өрттің шетіне топырақ себу жүзеге асырылады.

Еске салайық, 8 маусым күні «Семей» орманы резерватында өрт шыққан еді. Абай облысындағы өрттен 14 орманшы қаза тапты.