Абай облысындағы өрттен зардап шеккендерге Үкімет көмек ұсынды

Үкіметте алапат өрт пен оның салдарын жою бойынша қабылданып жатқан шаралар туралы шұғыл жиын өтті.

Төтенше жағдайлар министрлігінің мәліметінше, бүгінгі күні өрттің жалпы ауданы 60 мың гектардан асқан. Қазіргі уақытта оны сөндіруге Төтенше жағдайлар, Қорғаныс, Ішкі істер, ҚР ТЖМ және жергілікті атқарушы органдар күштері мен құралдары жұмылдырылған. Атап айтқанда, 800-ге жуық адам, 190 техника, 8 тікұшақ іске қосылған.

Өрт Талица, Қаштақ, Барышевка, Өспен, Поднебесное және Қамысты елді мекендеріне қарай үш бағытта таралып жатқаны атап өтілді. Төтенше жағдай аймағында қатты түтін бар. Түнде және таңертең жауған аздаған жаңбыр өрт сөндірушілерге көмектесті, қазір алаулаған өрт жоқ.

«Авиациялық технология белсенді жұмыс істеуде. Сонымен бірге, төтенше жағдай орнына жүйелі түрде келіп тұратын резервтегі күштер мен құралдарды топтастыру жалғасуда. Ең қарқынды аймақтарда сумен жабдықтау жұмыстары жанармай құюға  уақыт кетірмей,  біркелкі жұмыс істеу ұйымдастырылған. Азаматтар үшін уақытша тұру орындары қарастырылған. Елді мекендерге төнген қауіп іс жүзінде жойылды. Жұмыс бақылауда» делінген премьер-министрдің сайтында.

Жиында Абай облысының әкімі  Нұрлан Ұранхаев, Қорғаныс министрі Руслан Жақсылықов, Экология және табиғи ресурстар министрі Зүлфия Сүлейменова баяндама жасады.

Қорытындысында Қазақстан Республикасының Премьер-Министрі Әлихан Смайылов Еңбек министрлігіне төтенше жағдайлардан зардап шеккен отбасыларға әлеуметтік көмек көрсету мәселесін пысықтауды, Денсаулық сақтау министрлігіне қажет болған жағдайда азаматтарға дер кезінде медициналық көмек көрсетуді бақылауды, Ішкі істер министрлігі қоғамдық тәртіпті және халық мүлкінің сақталуын қамтамасыз ету тапсырылды.

Сонымен қатар Қазақстанның бірнеше волонтерлік қозғалысы зардап шеккен аудандарға гуманитарлық көмек жинауда.