Абай облысындағы өртте қаза тапқан 14 адамның мәйіті табылды

Абай облысындағы өртті сөндіру жөніндегі жедел штабтың мәліметі бойынша, іздестіру шаралары барысында 14 адамның мәйіті табылды, деп хабарлады ҚР Төтенше жағдайлар министрлігі.

Полиция жедел-іздестіру шараларын жүргізіп, зардап шеккендердің кім екенін анықтады.

Бұған дейін орман шаруашылығының жоғалып кеткен 3 қызметкерінің денесі табылған болатын. Осылайша қаза тапқандар саны 14-ке жетті.

Төтенше жағдай орнына жеткен тілшілеріміз өрт сөндіріліп жатқан аймақта біршама қатты жел тұрғанын атап өтті. Жағдай шиеленісіп тұр, өрт сөндірілген аймақтарды жел қайта үрлеп, өршітіп жіберуі ықтимал. Өртке жақын ауылда жедел штаб ашылды. Онда барлық министрліктердің өкілдері Тоқаевтың келуін күтіп отыр.

Ал, Абай ауданы Төтенше жағдайлар департаментінің басшысы Манарбек Шапағатовтың айтуынша, жағдай тұрақталып келеді. Ендігі басты міндет – қалған санаулы өрт ошақтарына ие болу.