Абай облысында жол апатынан бір сарбаз ата-анасымен бірге қаза тапты

Абай облысында мерзімді әскери қызметін атқарып жүрген сарбаз бен ата-анасы жол апатынан қаза тапты, деп хабарлайды Orda.kz.

Оқиға 28 маусым күні болған. Ата-анасы ұлын демалыстан кейін әскери бөліміне шығарып салу үшін жолға шыққан. Қайғылы жағдай жол үстінде тіркелді.

«Қаза тапқандардың туған-туыстарына шын жүректен көңіл айтамыз. Осы ауыр сәтте қайғыларыңызға ортақпыз. Аталған оқиғаға байланысты құзырлы органдар қажетті тергеу амалдарын жүргізіп жатыр»,  деп хабарлады 

Құрлық әскерлерінің баспасөз қызметі.

Құрлық әскерлері қолбасшылығы марқұмдардың отбасына жан-жақты көмек көрсетілетінін мәлімдеді. Сарбаз бен оның ата-анасының мүрделері әскери ұшақпен туған жеріне жеткізілді.