Абай облысында Тоқаев келеді деп жолдарды жамап жатыр

Алапат өрт шарпыған Абай облысындағы бір ауданда аяқ астынан жолды жөндеу жұмыстары қолға алынды.

Президент Қасым-Жомарт Тоқаевтың Абай облысына келуі күтілуде. Бірнеше күннен бері облыста 60 гектардан астам аумақты шарпыған алапат орман өртімен күрес жүріп жатыр. Өрт салдарынан 14 орманшы мерт болды.

Бірақ төтенше жағдай жол салушыларға кедергі болып отырған жоқ. Олар таңертеңнен бастап қолдарына күректерін алып, асфальт төсеуге кірісіп кетті. Әңгіме Бородулиха ауданы туралы болып отыр, деп хабарлайды Atameken Business.

Жергілікті тұрғындар өз ауданындағы жолдардың ұзақ жылдар бойы жөндеу көрмегенін айтуда, сондықтан да бұл жедел түрде қолға алынғанжұмыс  көпшілікті таң қалдырды.

Еске салайық, орман өртіне байланысты Тоқаев Вьетнамға сапарын тоқтатқан болатын. Бір күн бұрын Президент Қазақстанның Төтенше жағдайлар министрін ауыстырды. Бүгін көпшілік мемлекет басшысын қайғылы оқиға ошағында күтіп отыр.

ҚР Экология министрлігінің Орман шаруашылығы және жануарлар дүниесі комитеті бір күн бұрын өртті сөндіру кезінде қаза тапқан 14 қызметкерінің қаза тапқанын жариялады. Комитет олардың аты-жөні мен суреттерін жариялады.