Абай облысында өртке оранған ауданға жаңа әкім тағайындалды

Орман өрті әлі сөндіріліп жатқан Абай облысы Бородулиха ауданы әкімінің бос тұрған орнына Айдар Ибраев тағайындалды.

Облыс әкімі Нұрлан Ұранхаев бұл орынға кандидаттты президент әкімшілігімен келісіп, тағайындады.

Айдар Ибраев 1979 жылы 27 мамырда Шығыс Қазақстан облысы, Күршім ауданы, Ақши ауылында дүниеге келген. Шығыс Қазақстан мемлекеттік университетін бітірген.

Еңбек жолын 2000 жылы «Дидар» газеті редакциясында тілші болып бастаған. 2004 жылдан бері Шығыс Қазақстан облысы әкімі аппаратында түрлі қызметтер атқарған. Ұлан ауданы әкімінің орынбасары, әкім аппаратының басшысы, Жарма ауданы әкімінің орынбасары қызметтерін атқарған.

2022 жылдың қазан айынан бастап Абай аудандық мәдениет, тілдерді дамыту және мұрағат басқармасының басшысы.