Абай облысында қораға шапқан қасқырлар малшылардың үрейін үдете түсті

Түз тағысы тек бір ауданның өзінде жыл басынан бері 450-ден астам сиыр мен қойды, оған қоса осыншама жылқыны жалмаған. Фермерлер шығынды 160 млн теңгеден асты деп бағалауда, деп хабарлайды Orda.kz КТК телеарнасына сілтеме жасап.

 Жергілікті тұрғындардың айтуынша, жағдай жыл сайын нашарлап барады. Жазда әр шаруашылықта қасқырлар кемінде бес бас малды жайратып кетеді.

«Осындай оқиға жиілеп кетті. Бірнеше жылдан бері қасқырлар қораға шауып, сол жерде-ақ бүтінддей бір жылқыны немесе сиырды жеп кетеді»,- дейді шаруашылық басшысы Талғат Ерденбеков. 

Жыртқыштарды ұстау қиын - таулы өлке көліктердің келуіне мүмкіндік бермейді, ал аңды аулағысы келетіндердің қарасы да жоқ.

 Фермерлер өз беттерінше әрекет етпекші болып, ауданда жыртқыш аңдардың көбеюуін реттеу үшін қасқырларды ату бойынша арнайы жарыстар да ұйымдастырған. Олар аңға түсетін құстары мен тазылары бар аңшыларға қолқа салып, өз табындарын осылай қорғамақ болып жанталасып жатыр.

«Тау баурайында орналасқан малшылар үшін арнайы жабдықтары бар көліктерді пайдалану арқылы аң аулау өте қиын. Сондықтан 2023 жылы біз аңшыларды арнайы шақырдық. Өткен жылы 14 адам келіп, қажетті құрылғылармен жабдықталды. Алайда, екі жыл ішіндегі жұмыстың көзге көрінер нәтижесі болмады», - деді Кеңгірбай би ауылдық округінің әкімі Дархан Амангелдин. 

Бұған дейін әлеуметтік желілерде қасқырлардың полиция бекетінің жанынан жүгіріп өтіп, ал қызметкерлердің тұра қашып, тығыларға жер таппай айналсоқтап жүргені бейнеленген жазба жарияланды. 

Артынша Шығыс Қазақстан облысы полиция департаментінің баспасөз қызметі Orda.kz-ке  шын мәнінде не болғанын түсіндірді. Ал қазір ол бейнежазба қолжетімсіз. Мүмкін өшірілген болар.