Абай облысында қарасты ауылда сібір жарасы табылған жоқ

Бұған дейін төтенше жағдай енгізілген Абай ауданындағы ауыл тұрғынында сібір жарасы бар деген күдік сараптама қорытындысымен расталмады.

22 қыркүйекте Абай ауданы әкімдігінің баспасөз қызметі хабарлағандай, дәрігерлердің қайталама кеңесі қорытындысы бойынша Жетіжар ауылы тұрғынының сібір жарасын жұқтырды деген күдік расталмады. Науқасқа жүргізілген төрт сынама бойынша барлық нәтижелер теріс болып шықты.

Ер адам қазір емделуін жалғастыруда, жағдайы жақсарып келеді.

«Жетіжар кентінде міндетті  термометрия арқылы барлық жануарларды (Жетіжар ауылындағы тұрғындар мен шаруа қожалықтарында) күнделікті клиникалық тексеру жүргізілуде. Қазіргі уақытта күдікті немесе ауру мал анықталған жоқ. Малдарға «Бесқарағай-Вет» КМК маманы үй-жайлар мен шаруа қожалығында профилактикалық залалсыздандыру жұмыстарын жүргізді» деп хабарлады әкімдік.