Абай облысы прокурорының орынбасары жол апатына түсті

Абай облысы прокурорының орынбасары жансақтау бөлімінде жатыр, ал Шығыс Қазақстанда облыстық прокурордың аға көмекшісі жол апатынан қайтыс болды. 

Бұл туралы ҚазТАГ хабарлады.

6 шілдеде Алматы-Өскемен тас жолының 600-шақырымында адам өлімімен аяқталған жол апаты болды. Infinity көлігі мен DAF жүк көлігі соқтығысты. Жеңіл көлік жүргізушісі тізгінге ие бола алмай, жүк көлігі тіркемесіне соғылған.

Көлікте Абай облысы прокурорының орынбасары Руслан Әлішев пен ШҚО облыстық прокурордың аға көмекшісі Лаура Исмаилова болған. Олар ауруханаға жатқызылды. Дегенмен Лаура Исмаилова қайтыс болды. Дәрігерлер Руслан Әлішевтің өмірі үшін күресуде.