Абай атындағы мемлекеттік сыйлықтың жеті лауреаты анықталды

2020 жылғы Абай атындағы әдебиет пен өнер саласындағы мемлекеттік сыйлықтың иегерлері белгілі болды. Бұл туралы Ақорда хабарлады.

Президенттің жарлығымен сыйлыққа төмендегі ақын-жазушылар ілінді:

• «Абыз Әбіш» зерттеуі үшін – мәдениеттанушы Сауытбек Абдрахмановқа;
• «Көкейімде Күлтегіннің жазуы» өлеңдер жинағы үшін – ақын Серік Ақсұңқарға;
• «Ғұлама-наме» трилогиясы үшін – жазушы Ғарифолла Есімге;
• «Ұлы Дала әдебиеті» тарихи-әдеби зерттеулер жинағы үшін – әдебиеттанушы Мырзатай Жолдасбековке;
• «Достояние души» өлеңдер жинағы үшін – ақын Бақытжан Қанапияновқа;
• «Сарра» драматургиялық шығармалар жинағы үшін – драматург Роза Мұқановаға;
• «Періштелердің өлімі» прозалық шығармалар жинағы үшін – жазушы Тынымбай Нұрмағанбетовке.

Еске салсақ, Қазақстанда 2020 жылы ұлы ақынның 175 жылдық мерейтойы республика көлемінде аталып өтті.