Абаев Жириновскийдің «қазақ Талибанына» жауап қайтарды

Президент әкімшілігінің бірінші орынбасары Дәурен Абаев қазақстандық ұлтшылдарды ауғаннның террористік ұйымы «Талибан»* содырларымен салыстырған ресейлік саясаткер Владимир Жириновскийдің мәлімдемесіне қатысты пікір білдірді.

Бұл туралы Orda.kz хабарлады.

- Біз Жириновскийдің Қазақстан туралы жария мәлімдемесіне мән беруді баяғыдан тоқтатуымыз керек. Ол тек шоу, саясат жоқ. Әрине, сайлау алдында сайлаушылардан ұпай жинауға тырысады. Оны қарындашпен емес, қолдағы попкорнмен тыңдау керек, - деді Абаев.

- Тіл мәселесіндегі және этносаралық қатынастар мәселесіндегі саясатқа келетін болсақ, президент кеше осы тақырыпта барлық сұрақтарға нүкте қойды, - деп түйіндеді қазақстандық саясаткер.

Еске сала кетейік, «тіл рейдтерін» ұйымдастырушы Қуат Ахметовке қарсы ҚР ҚК-нің 174-бабы «Әлеуметтік, ұлттық, рулық, нәсілдік, тектік-топтық немесе діни алауыздықты қоздыру» бойынша қылмыстық іс қозғалған болатын. Заңға сәйкес, ол жеті жылға дейін бас бостандығынан айрылуы мүмкін.

• «Талибан»* қозғалысы – Қазақстан аумағында тыйым салынған террористік ұйым