Абаев Мәскеуде Ресей Сыртқы істер министрінің орынбасары Галузинмен кездесті

Қазақстан Республикасының Ресей Федерациясындағы Төтенше және Өкілетті Елшісі Дәурен Абаев РФ Сыртқы істер министрінің орынбасары Михаил Галузинге сенім грамоталарының көшірмелерін табыс етті, деп хабарлады Қазақстанның Ресейдегі Елшілігі.

«Әңгіме барысында тараптар Қазақстан-Ресей ынтымақтастығының қазіргі жағдайы мен болашағын, интеграциялық құрылымдар аясындағы өзара іс-қимылды, сондай-ақ өңірлік және халықаралық  өзекті мәселелерді талқылады» делінген елшілік хабарламасында.

Бұған дейін Orda.kz сайты саясаттанушы Ғазиз Әбішевтен Қазақстанның Ресейдегі елшісі қызметі елдің экс-мәдениет министріне неліктен берілгенін сұраған еді.