Ақжарқын Тұрлыбайдың ісі: нигериялықты Қазақстанға экстрадициялау мәселесі қаралуда

Ішкі істер министрлігі Ақжарқын Тұрлыбайдың ісіне қатысы бар нигериялық азамат Джонниді экстрадициялау туралы Нигерия Интерполының ҰҚК-не өтініш жасады.

«20 маусымда Нигерияда ҚР Ішкі істер министрлігі Интерполдың Ұлттық орталық бюросының сұрауы бойынша ҚР Қылмыстық кодексінің 259-бабы бойынша іздеуде жүрген Адиндо Нонсо Фортун ұсталды. Қазіргі уақытта оны қамауға алу және одан әрі Қазақстанға экстрадициялау туралы қосымша процессуалдық шешім қабылдау үшін Нигерияның Интерпол ҰҚЕ-не қажетті материалдар жіберілді» деп хабарлады ІІМ баспасөз қызметі.

ҚР Қылмыстық кодексі 259-бабы (Есірткі немесе психотроптық заттарды заңсыз дайындау, қайта өңдеу, иемдену, сақтау, тасымалдау, жөнелту немесе өткізу)

Еске салсақ, 2014 жылдың көктемінде студент Ақжарқын Тұрлыбай Гуанчжоу әуежайында ұсталды. Кедендік тексеру кезінде одан төрт келіден астам синтетикалық есірткі табылған. Қытай заңнамасы бойынша ол өмір бойына бас бостандығынан айырылған.

Бойжеткен есірткіден бейхабар екенін, Қытайға жұмыс бабымен келгенін айтқан. Оған маршруттық бизнеспен айналысуды - фирмалық заттарды тасымалдауды ұсынылғанын алға тартқан. Әр сапар үшін студентке мың доллар уәде етілген. Ол жұмыс беруші Нигерия азаматы болғанын түсіндірген.