Аңыз ұшқыш Талғат Бегелдиновке елордада ескерткіш орнатылды
Елордадада Жеңіс күні қарсаңында аты аңызға айналған әскери ұшқыш, екі мәрте Кеңес Одағының Батыры Талғат Бегелдиновке ескерткіш орнатылды.
Салтанатты іс-шараға Талғат Бегелдиновтың қыздары Галина мен Райхан, Қарулы Күштер ардагерлері, қоғам өкілдері, «Жас Сарбаз» балалар мен жасөспірімдер қозғалысы және әскери қызметкерлер қатысты, деп хабарлады Қазақстан Республикасы Қорғаныс министрлігінің баспасөз қызметі.
Ескерткіш Сарыарқа ауданы әкімдігінің алдындағы даңғылда орналастырылды. Мүсін қоладан, тұғыры граниттен жасалған.
— Талғат Жақыпұлы Бегелдиновтың бүкіл өмірі – баға жетпес ерлік пен батылдықтың, кәсібиліктің және Отанға деген адалдықтың үлгісі. Соғыс жылдары ол Ил-2 шабуылдаушы ұшағымен 305 шабуыл жасады. Бұл 500 сағаттық ұшу. Оған ең маңызды тапсырмалар берілді. Ол барлық тапсырмаларды асқан шеберлікпен, ешбір шығынсыз орындап отырды. Ерліктері үшін Бигелдинов Ленин, Қызыл Ту, Александр Невский, Красная Звезда, ІІІ дәрежелі Даңқ, I және II дәрежелі Отан соғысы ордендерімен марапатталды, екі рет Кеңес Одағының Батыры атағына ие болды, - деді Қорғаныс министрі генерал-лейтенант Нұрлан Ермекбаев.
Жеңіс үшін өз өмірін қатерге тігіп, соғыстың отты кезеңін бастан өткерген Талғат Бегелдиновтың ерлігі Қазақстан мен Ұлы Отан соғысының тарихына мәңгі жазылды, деп атап өтті әскери кафедра. Атақты ұшқыш Талғат Бегелдинов Калинин, Воронеж, Степной, Бірінші және Екінші Украина майдандарында аянбай шайқасты.
1944 жылы Знаменка мен Кировоград қалаларын азат ету кезінде көрсеткен батылдығы мен жауынгерлік шеберлігі үшін, жау әскері КСРО-ның мемлекеттік шекарасына кіре бастаған кездегі әуе шайқасында атып түсірген жау ұшақтары үшін және жердегі әскерге көмек көрсеткені үшін Кеңес Одағының Батыры атағын және алғашқы «Алтын жұлдызды» алды.
Талғат Бегелдинов екінші Алтын Жұлдыз медалімен 1945 жылы маусымда Польша мен Германия қалалары үшін шайқаста жау әскерлеріне шабуыл кезінде эскадрильяны әскери шеберлікпен басқарған ерлігі үшін марапатталды.
Соғыстан кейінгі жылдары ол әскери және азаматтық авиацияда жұмыс істеді, қоғамдық жұмыстармен айналысты. Қазақстан тәуелсіздігі жылдарында Талғат Бегелдинов Қарулы Күштердің қалыптасуы мен дамуына, жастардың әскери-патриоттық тәрбиесіне белсене араласты.
Бүгінде оның есімін Әуе қорғанысы күштерінің әскери институты мен «Жас Ұлан» Қарағанды республикалық мектебіне берілген. Аты аңызға айналған батырға ескерткіштер осы оқу орындарының аумағында орнатылды, курсанттар мен ұландар оның өмірбаяны мен жауынгерлік жолын қызыға оқиды.
Жаңалықтар
- Банкроттыққа жүгінетін борышкерлер
- 2025 жылдан бастап кіріс туралы декларацияны жариялау міндетті болады
- Жалақының ЖІӨ-дегі үлесі талап етілетін 50 пайыздың небәрі 30 пайызын құрайды- Әшімбаев
- «Алатау» әлемдегі ең экологиялық таза және озық қала болады
- Музейлер түні 2024: Алматы мен Астананың толық бағдарламасы
- Бішкекте шетелдіктермен төбелес болып, мыңдаған адам көшеге шықты
- Құлсарыда су тасқынынан зардап шеккен тұрғындар үшін 150 үйдің құрылысы басталады
- Бектенов Тоқаевқа су тасқыны зардаптарын жою туралы баяндады
- Жыл басынан бері мемлекет пайдаланылмай жатқан 645 мың гектар жерді қайтарды
- Өнеркәсіп министрі депутаттармен және белсенділермен қайта өңдеу төлемі мәселесін талқылады
- Тоқаев «Халықтың көші-қоны және қылмыстық-атқару жүйесі туралы» заңға қол қойды
- Атырау облысы Мақат ауданының әкімі Ринат Ибрагимов мәлімдеме жасады
- Қазақстанда теократиялық жүйе орнатқысы келген 8 адам сотталды
- Қазақ тілін және ел тарихын білмейтіндер Қазақстан азаматтығынан шығарылады
- «Медеу» табиғи саябағындағы 35 гектар болатын 10 жер телімі мемлекетке қайтарылды
- «ҚазАвтоЖол» жол бойындағы сервисті дамытуға шақырады
- «Қазақфильм» жобалары мемлекет қаражатының 95 пайызын өтемейді
- Маңғыстау облысының жаңа әкімі таныстырылды
- Құлсарылықтарға Қаржы министрлігі көмектесе ме?
- 350 мың доллар пара беруге итермелеп, он жылға бас бостандығынан айырылды