Ақын-жазушылар Арон Атабекті босату жайлы Тоқаевқа хат жазды
Бір топ ақын-жазушы түрмеде отырған белсенді, ақын Арон Атабекті босатуды сұрап, хат жазды. Хаттың мәтіні Abai.kz сайтында жарияланды.
- ... Жан азабы өз алдына, түрмедегі қинау мен азаптаудың алуан түрін басынан кешірген Арон Атабектің денсаулығы бірнеше жылдан бері күрт нашарлап кетті. Жасы 70-ке таяған қарттың екі қолы мүлдем көтерілмейді, жүректің ишемиялық (жүрек қан тамырларының тарылуы) ауруы, қан қысымы, бүйрек-өкпе, буын ауруларына, одан да басқа дерттеріне қоса өміріне қауіп төндіретін, түрме жағдайында емделуге келмейтін кеселдерге душар болды. «Көзімнің тірісінде қадірле мені!.. Өлгесін басыма көк тас қойып, құрметтеп керек емес!» деген екен бір қарт назаланып... Сол айтпақшы, халық батырын көзі тірісінде бостандыққа шығарып, денсаулығын түзетуге жағдай жасасаңыз нұр үстіне нұр болар еді. «Елім - қазағым!» деп жанын шүберекке түйген батырымыздан тас зынданда айрылып қалсақ, арымызға сын болары хақ! Ұрпақ алдында ұятты болмайық, Президент мырза!», делінген хатта.
Хатта ақынның денсаулығы күрт нашарлап кеткенімен қатар, оның 2006 жылы әйгілі «Шаңырақ» оқиғасы бойынша жалған жаламен 18 жылға итжеккенге айдалып кеткені айтылған.
2020 жылдың 25 желтоқсанында жазылған хаттың соңына - Ұлықбек Есдәулет, Олжас Сүлейменов, Мұрат Әуезов, Бақыт Беделхан, Амантай Асылбек, Гүлжан Ерғалиева, Талғат Айтбай қол қойған.
Жіберілген хатқа президент әкімшілігінен әзірге жауап болмаған.
Хатқа қол қойғандардың айтуынша, саяси санасы жоғары, ұлт ақыны Аронды босату керек, оны түрмеде азаптап, отырғызып қою – күнә.
2006 жылғы 14 шілдедегі «Шаңырақ» оқиғасында заңсыз соғылған деген үйлерді бұзуға келген полиция күштеріне қарсылық көрсетіп, қақтығысып, нәтижесінде 24 жастағы полицей қайтыс болған. Билік оның өліміне бірқатар жергілікті тұрғындарды және сол күні Шаңырақта болған ақын, әрі белсенді Арон Атабекті айыптаған. Атабек 18 жылға, Құрманғазы Өтегенов 16 жылға, Ерғанат Тараншиев 15 жылға, Рүстем Тұяқов 14 жылға сотталды.
Арон Атабек түрмедегі жылдарының бәрін өзі тұратын Алматыдан тысқары жерде өткізді. Павлодар тергеу абақтысына оны 2014 жылдың сәуірінде ауыстырған.
Жаңалықтар
- «Атамекен» Кәсіпкерлер палатасының бұрынғы басшысы Абылай Мырзахметов алаяқтық жасағаны үшін бес жылға сотталды
- Өскеменде айғақтарды бұрмалаған полицей сотталды
- Бішкек шенеуніктері автобуспен жүретін болады
- Атырау облысы, Талдыкөл ауылында халықты эвакуациялау басталды
- Оның тамағын кеңсе пышағымен кесіп тастады: сот үкім шығарды
- Павлодар облысында педофил ұзақ мерзімге бас бостандығынан айырылды
- Феминистер Қуандық Бишімбаевтың үкіміне наразылық білдірді
- Сот Жәмила Маричеваны кінәлі деп танып, айыппұл салды
- Салтанат Нүкенованың ағасы сот үкіміне қанағаттанатынын айтты
- Бақытжан Байжанов 4 жыл бас бостандығынан айыру туралы шешімге разы емес
- Қуандық Бишімбаев 24 жылға сотталды
- Алматы тұрғыны өзге біреудің көлігін өртеп жіберіп, оны видеоға түсіріп алған
- Мемлекет басшысы Мәдениет және ақпарат министрі Аида Балаеваны қабылдады
- Атыраудағы су тасқынының шарықтау шегіне 4-5 күн қалды
- Қуандық Бишімбаев пен Бақытжан Байжановқа қатысты сот үкімі сағат 17:00-де шығады
- Шымбұлақ аспалы жолдарды жабады
- Қазақстан тағы да Ресейден үлкен арақ импорттаушы елге айналды
- Итті басып өткен депутат айыппұлмен құтылады
- «Семей орманындағы» өрт: қорық басшылығына үкім шығарылды
- Өзбекстан биыл Қазақстанға егістіктерді суару үшін 922 миллион текше метр су беруге уәде берді