Ақылы автотұрақ бизнеске кері әсер етеді

ҚР Бәсекелестікті қорғау және дамыту агенттігінің пікірінше, ақылы автотұрақ нарықта монополиялану қаупін тудырады және тек бейберекет тұрақтардың көбеюіне ықпал етеді.

25 сәуірде Қазақстан Республикасы Бәсекелестікті қорғау және дамыту агенттігінің Нұр-Сұлтан қаласы бойынша департаменті  Кедергілер жөніндегі кеңесінің кезекті отырысында елордадағы ақылы автотұрақ мәселесі талқыланды.

Нұр-Сұлтанда 2017-2022 жылдар аралығында ақылы автотұрақтардың саны 24-тен 536-ға дейін өсті. Бұл шамамен 10 000 тұрақ орны. Қазақстанның «QAZ PROPERTY» басқару және сервистік компаниялар қауымдастығы әкімдіктің сауда орталықтарының маңындағы автотұрақтарды жеке меншікке сатып алудан негізсіз бас тартқанын мәлімдеді.

ҚР ӘҚБ Нұр-Сұлтан қаласының әкімдігі МЖӘ жобасы аясында ғимараттар мен құрылыстардың жанындағы барлық ақылы автотұрақтарды басқаратын «Astana Parking Space» ЖШС-не берген жерлер осы нарықта монополиялану қаупі бар деп санады.

Іскерлік тарап келіседі және бұл тәжірибе құрылыс нормалары мен ережелерін де бұзады деп есептейді.

— Ғимараттар айналасында ақылы автотұрақтарды құру нысандардың тартымдылығын төмендетеді, өйткені тұрақсыз ешбір нысан тұтынушыларды қызықтырмайды. Автотұрақ болмаса, бизнес құриды, – дейді кедергілер кеңесінің мүшесі Қайрат Көкенов.

ШОБ субъектілерінің жеке меншігіндегі автотұрақтардың жеткілікті көлемін ала алмайды, бұл бизнеске теріс әсер етеді және негізсіз шығындарды тудырады. Нәтижесінде ШОБ табысының бір бөлігі ірі бизнеске түседі.

Кедергілер жөніндегі кеңес бұл жағдайды егжей-тегжейлі зерттеп, республикалық кедергілер картасына енгізуді тапсырды. Ал монополияға қарсы департамент елордадағы ақылы автотұрақтар нарығына талдау жасайды.