Қаңғыбас жануарларды тамақтандыруға 4,3 млн теңге бөлінді

Алматыда қаңғыбас жануарларды ұстау бойынша пилоттық жоба басталады. Әкімдік қаңғыбас мысықтарды тамақтандыруға 4,3 миллион теңге бөледі. Бұл туралы Алматы қалалық кәсіпкерлік және инвестициялар басқармасының ветеринарлық бөлімінің басшысы Әйгерім Жақсылық мәлімдеді.

Бұл туралы Orda.kz хабарлайды.

Біріншіден, ұстау жағдайлары ескеріле отырып, паналау орындарының бірыңғай жұмыс тәртібі әзірленеді, осыған байланысты бұл жануарларды құтқару қабілетін арттыру мақсатында пилоттық жобаға 4,37 миллион теңге бөлінді. Бір мысықты күнделікті тамақтандыруға 250 теңге мөлшерінде қаражат жұмсалады, - деді Әйгерім Жақсылық.

Пилоттық жоба «2021-2024 жылдарға арналған Алматыдағы қаңғыбас жануарлардың санын гуманистік реттеу бағдарламасының» тұсаукесері аясында ұсынылды. Сонымен қатар, алматылықтардың үй жануарлары туралы барлық деректер PetControl иттер мен мысықтарды сәйкестендірудің бірыңғай деректер базасына енгізілетін болады.

Биыл үй жануарларын тегін зарарсыздандыру бағдарламасы жоспарланып отыр. Қазіргі уақытта мемлекеттік сатып алу конкурсы жүріп жатыр. 51,747 миллион теңге көлемінде қаражат бөлінді. Бағдарламаның басталуы қыркүйектің ортасына жоспарланған.