Ақтаулық блогерді ешкім де ұрмаған: барлығы тек әзіл болған

Қазақстандық блогер және актер әлеуметтік желіге Ақтауда өзінің соққыға жығылғаны туралы әңгімелейтін видео жариялады. Кейін бұл жай ғана сахналанған клип екенін түсіндірді.

Бұл туралы Orda.kz Lada.kz-ке сілтеме жасап хабарлады.

«Парень в прикольной шляпке» деген атпен танымал блогер әлеуметтік желіге Ақтауда су жағасында соққыға жығылғанын айтқан видео жариялады. Кадрларда оның беті көгерген.

– Балалар, мен төбелесіп қалдым... Ақтаулық балалар келіп, менің сырғаларым туралы қазақша сұрай бастады. Мен оларға ештеңе айтпадым, артық ештеңе де жасамадым. Олар менің орысша сөйлегеніме, сырға тағып, сәнденгеніме ашуланды, - деді блогер видеода.

Бірақ кейінірек ол бейнежазба өтірік екенін мойындады. Блогердің айтуынша, бұл оның болашақ шығармашылық жобаларына дайындықтың бір бөлігі.

– Менде бәрі жақсы, бұл жай ғана образ, бұл менің жақын арада көрсетілетін жаңа жобам үшін. Ақтаулық жігіттерге келетін болсақ, олар ең қонақжай адамдардың бірі. Мен осы қалаға, барлық Ақтау тұрғындарына ризамын, барлықтарыңызға көп рахмет, - деді ол жазылушыларына.

Блогердің оқырмандарының бірі оның зардап шекпендігіне қуанып жатса, ал басқалары Ақтау тұрғындарына деген стереотиптік көзқарас қалыптастырғанына ашуланды.

– Мүмкін мен асыра сілтеп отырған шығармын, бірақ менің ойымша, бұл бейнені көргеннен кейін көптеген шетелдік туристер Маңғыстау облысына барудан бас тартады. Олар демалатын туристерге қауіпсіз басқа жерді іздейді, - деп жазды қолданушылардың бірі.