Ақтауда жұмысшылар арасында жанжал шықты

Ақтау қаласындағы Rixos Water World қонақ үйі жанынан салынып жатқан нысан жұмысшылары арасында жанжал шықты.

Бұл туралы Orda.kz. lada.kz сайтына сілтеме жасап хабарлайды..

Видеода сөйлеп тұрған азаматтың айтуынша, қазақ және түрік жұмысшылары асханада сөзге келіп қалған.

Оқиға 29 маусым күні кешкі сағат 19:20 шамасында болған. Бұл жанжалға кәсіпорынның қауіпсіздік бөлімі мен құрылыс алаңында қоғамдық тәртіпті қамтамасыз ететін полиция қызметкерлері араласып, жұмысшылар арасындағы дауды басқан.

Құрылыс нысанында күзет және жергілікті полиция қызметі басшыларының қатысуымен профилактикалық шаралар жүргізілді.

Облыстық полиция департаментінің баспасөз қызметі оқиғаға қатысты түсініктеме беріп, тараптардан шағым түспегенін айтты.