Ақтаудағы шерушілер Тоқаевты халық алдына шақырды

Митинг Ақтаудағы «Ынтымақ» алаңында жалғасып жатыр. Жиналған негізінен 35 жастан асқан ер адамдар. Олар «Бекет» әулиенің атын ұрандатып жатыр. Шерушілер қайта қосып, әкімді отставкаға жіберуін сұрап жатыр.

Сондай-ақ, Қазақстанға екі президент керек пе деген сауалдар қойыла бастады. Олар Нұр Отан партиясын жапса деп ниет білдірді.

«Министрлер келді, бірақ олар ештеңе істей алмайды. Президент Қасым-Жомарт Тоқаев келсе, оны тыңдауға дайынбыз» деді наразылық білдірушілер.

Қатысушылар шеңберге шығып, патриоттық әндерден үміт отын оятатын, жігер беретін жолдарды жарыса оқып жатыр. Модераторлар шерушілерден тыныштық сақтап, арандатпай ешкімді, темекі тұқылын көрінген жерге тастамауды сұрап жатыр.

Ақтаудағы Ынтымақ алаңына жиналғандар саны артып жатыр. Периметрдің бойында СОБР жауынгерлері мен полицейлер тұр. Аумақ әлі қоршауға алынған жоқ.

Ақтаудағы «Ынтымақ» алаңында шеруге шыққандардың бірі «ҚазМұнайГаз» ҰК» АҚ-ның бас кеңсесі Ақтауға көшуі керек, өйткені жұмысшылардың жұмысын халық бақылауы керек екенін алға тартты. Ер адамның айтуынша, Нұр-Сұлтанда орналасқан компания қызметкерлері не істеп жатқаны белгісіз. Оның бұл пікірін шеруге шыққандардың қалған бөлігі де қолдады.

Orda.kz тілшісі Ақтау қалалық ішкі істер басқармасы бастығының бірінші орынбасары Нұрсейіт Оразовтан түсініктеме алды. Оның айтуынша, митинг өткен үш күн ішінде ешкімді ұстау және кеттлингке алу болған жоқ.

«Отырғандар тәртіп бұзбайды, өз мәселелерін бейбіт және сабырлы түрде айтып жатыр» деді Оразов.

30-ға жуық СОБР жауынгері қоғамдық тәртіпті қорғау мақсатында Ақтау әкімдігінің алдына қойылды.