Ақтаудағы «итбалық» жағалауда құлап жатыр

Табиғатқа жаны ашымайтын  адамдарға қарсылық ретінде орнатылған құрылымның бөлшектері  шашылып қалу алдында тұр.

Жағаға шығып қалған  итбалықты таяқпен ұрған жағдайдан кейін орнатылған бұл құрылымға небәрі алты ай болды. Бірақ осында келетін  демалушылар «итбалықтың» қабырғасы ыдырап тұрғанын көрген.

«Сырт көзбен қарағанда  сәулет нысаны өте нәзік. Мен ата-аналардың балаларына   оның үстіне шығып секіруге қалай рұқсат беретінін елестете алмаймын. Тағы біраз осылай жағдай орын алса,  бұл нысанды есептен шығаруға тура келеді. Бұл жағалаудың көркі, оған құрметпен қарау керек» деп келтіреді Lada.kz жергілікті тұрғын Бауыржанның сөзін.

Қалалық әкімдіктің  түсіндіруі бойынша: «Итбалық» шағын сәулет нысанын тұрғын үй-коммуналдық шаруашылық бөлімінің тапсырысы бойынша «Clover Media» ЖШС орнатқан. Қазірдің өзінде мердігерге кемшіліктерді жою жөнінде тапсырма берілген.

«Итбалық» Ақтау жағалауында 2022 жылдың қаңтар айының соңында пайда болды. Аталған компания қаланың эстетикалық келбетін жақсарту мақсатына бөлінген  300 миллион теңгелік тендерді ұтып алды. Сонымен қатар компания ескерткішті  өз қаражатына орнатқанын жеткізді.