Ақтауда тәрбиешілер бүлдіршіндерді қақпа сыртында қалдырды

Мұғалімдер мен директор балаларды №15 «Өркен» балабақшасына кіргізбей, оларды қақпаның сыртында қалдырды.

Бұл туралы Orda.kz Lada.kz-ке сілтеме жасап хабарлады.

Балалардың ата-аналары балабақша басшылығы ай сайынғы төлемді көбейтті дейді. Жаңартылған бағаны төлеуден бас тартқандар қақпаның сыртында қалды.

– Мұның бәрі келісімшартқа отырмағандығымыздан шығып отыр. Биылғы жылы біздің қаладағы басқа балабақшалар төлемді көтермеген. Ай сайынғы төлем 25 мың теңгеге дейін көтерілді, - деді ата-аналар.

Олардың айтуынша, бұған балабақшаның иесі жауапты.