Ақтауда көлік жүргізушісі электр бағанасын соғып, құлатты

Ақтауда жүргізуші апатқа ұшырады. Нәтижесінде жол жарықтандыру жүйесі зақымдалды.

Бұл туралы Orda.kz хабарлады.

Жол апаты 4 мамырда сағат 08:35-те 11-ші және 12-ші шағын аудандар арасындағы жолда болған.

– Opel Astra автокөлігінің жүргізушісі рөлді басқара алмай, жарық беру бағанына соғылды, - деп хабарлады Маңғыстау облысы полиция департаментінің баспасөз қызметі.

Полиция бұл факт бойынша Әкімшілік кодекстің 610-бабы «Көлік құралдары жүргізушілерінің жол қозғалысы ережелерін бұзуы, адамның денсаулығына, көлік құралдарына немесе басқа мүлікке зиян келтіруі» бойынша іс қозғады.