Ақтауда ата-анасының қарауынсыз қалған 12 жасар баланың жүрегі тоқтап қалған

Ақтауда 12 жасар бала көшеде қайтыс болды. Жедел жәрдем станциясының директоры баланың өліміне қатысты түсініктеме берді.

Бұл туралы Orda.kz хабарлады.

Lada.kz басылымының хабарламасында, әлеуметтік желідегі жазбада «жедел жәрдем бригадасы көшеде есінен танып жатқан 12 жасар балаға көмек көрсеткісі келмеді» деген пікір бар.

Куәгерлердің айтуынша, қайғылы оқиға 3-ықшамауданында болған.

– Үшінші ықшамауданда бала көшеде қайтыс болды. Олар жедел жәрдем көлігін қырық минут күтті. Жедел жәрдем қызметкерлері баланың ата-аналары келмейінше ештеңе істемейміз деп тұрды. Ата-анасы қайда екенін білмейтін адамдар баланы құр тастап кете алмаған. Куәгерлер жедел жәрдем шақырса да, олардан еш көмек ала алмады, - деп жазды әлеуметтік желі қолданушысы.

Маңғыстау облысындағы жедел жәрдем станциясының директоры Айралбек Шіршікбаев бұл ақпаратты жоққа шығарып, дәрігерлер келген кезде баланың өліп қалғанын түсіндірді.

– Қоңырау түскен сәттен бастап топ оқиға орнына тоғыз минутта жетті. Бала тексерілді, бірақ жүректің толық тоқтауы болды. Осыған қарамастан, фельдшерлер 30 минуттық жүрек-өкпе реанимациясын жасады. Біз үшін әдетке айналған, егер фельдшер мәйітті тапса, ол бұл процедураны ешнәрсеге қарамастан жасайды. Бірақ, өкінішке орай, бұл нәтиже бермеді. Баланы көшеде өтіп бара жатқан адамдар тауып алған, - дейді Айралбек Шіршікбаев.

Алдын ала мәліметтер бойынша, баланың жүрегі тоқтап қалған.