Ақтауда алып «әнші домбыра» салу ұсынылды

Ақтау жағалауында домбыра түріндегі нысанды салу ұсынылды. Орталық коммуникациялар қызметінің алаңында өткен дөңгелек үстел барысында Q88 Қазақстан урбанистер қауымдастығының басқарма мүшесі Ержігіт Балқыбеков осындай ұсыныс айтты.

Жоспарға сәйкес, құрылым ұзындығы 160 метрлік көру алаңы және биіктігі 110 метр тірек өнер нысаны болуы мүмкін. Нысанның жалпы ауданы 3 гектарды құрайды.

«Барлық қалалардың өз визит картасы бар. Лондонда Биг-Бен, Парижде Эйфель мұнарасы, Астанада Бәйтерек. Сондай-ақ бұл құрылымды Ақтау қаласының ерекше символы ретінде ұсынып отырмыз» деді Ержігіт Балқыбеков.

Сонымен бірге, Балқыбеков ұсынылған құрылым тек сәулеттік пішін ғана емес, біршама функционалды эстакада болып табылатынын атап өтті. Өйткені, оның айтуынша, «ән айтатын домбыраның» астына амфитеатр қоюға болады, онда түрлі өнер ұжымдары туристер мен жергілікті тұрғындарға өз өнерлерін көрсете алады.

«Екіншіден, Шевченко алаңына іргелес аспалы жаяу жүргіншілер көпірі болады. Көпірдің бір бөлігі теңізге қарайды, көпірдің оң және сол жағында бүкіл жағалау мен теңізді көруге болады» деп қосты Ержігіт Балқыбеков.