Ақтауда 15 млн теңге жұмсалған пластик қызғалдақтар «солып» жатыр

Ақтау тұрғындары әлеуметтік желіде туристерді тарту үшін жасалған «Гүлдер алаңының» сапасыз екендігін, қазір оның біртіндеп қирап жатқанын айтып наразылықтарын білдірді. Арнайылап «егілген» пластик қызғалдақтардың бір бөлігі қирап қалған, ал инсталляцияның электр сымдары кей жерлерде дұрыс оқшауланбаған.

Бұл туралы Orda.kz Lada.kz сайтына сілтеме жасап хабарлайды.

Ақтауда 15 миллионнан астам бюджеттік теңгеге пластикалық қызғалдақтардан жасалған «гүлдер алаңы» инсталляциясы әлеуметтік желі пайдаланушыларының наразылығын тудырды. Жергілікті тұрғындар «гүлдер алаңындағы» пайдаланылған материалдардың сапасы нашар екенін айтып шағымданады.

Сайт журналисі пластик қызғалдақтарды 24 қазан күні суретке түсіріп алған. Оның бір бөлігі қирап қалғанын байқауға болады.

Дұрыс бекітілмеген электр сымдары

«Солған» қазғалдақтар

Еске салайық, Ақтаудағы «Ынтымақ» алаңындағы көгалдардың орнына бюджеттен 15 404 000 теңгеге пластикалық «гүл алаңы» орнатылды. Әкімдікте хабарлағандай, сәндік жарықтандыру жұмыстарын «Clever media group» ЖШС жүргізген, онымен Ақтау қалалық тұрғын үй-коммуналдық шаруашылық бөлімі 16 қыркүйекте шарт жасасқан.