Ақтау полицейлері «Z» жазу бар көлік жүргізушісін жазалады

Жол талғамайтын көлігіне «Z» белгісін тағып, қаланы аралап өткен Ақтау тұрғынына айыппұл салынды, деп хабарлайды Lada.kz.

Полицейлер ер адамды тоқтатып, үстінен үш рет әкімшілік кодексті бұзу фактісі бойынша хаттама толтырды.

Бұл ҚР ӘҚБтК-нің 590-бабы «Көлiк құралдарын пайдалану қағидаларын бұзу» және ҚР ӘҚБтК-нің 601-бабы «Жолда көзделген талаптарды немесе жол белгілерін  орындамау»бойынша жауапқа тартылды.

Айыппұлдың жалпы сомасы 24 504 теңге болды.

Дәл осындай жағдай елорда да болған. Наурыз айының басында Нұр-Сұлтанда «Z» белгісі бар жүргізушіге айыппұл салынды. Айыппұл ҚР ӘҚБтК-нің 590-бабының 5-бөлігі «Көлiк құралдарын пайдалану қағидаларын бұзу» бойынша салынған.

Қолда бар дереккөздерге сүйенсек, ресейлік көлік иелері «Z» стикерін Украинадағы соғыс қимылдары басталғаннан кейін қолдана бастаған. Бұл белгі  Ресей Федерациясының әскери техникасына қолданылады.