Ақтау мен Жаңаөзендегі шерушілер Тоқаевтың келуін және Маминнің отставкаға кетуін талап етуде
Батыс Қазақстан тұрғындары газ бағасының қымбаттауына байланысты шеруін жалғастыруда. Олар азық-түлік бағасын төмендетуді, жалақыны көтеруді, несиелерді қайта қаржыландыруды және жұмыссыздық мәселесін шешуді талап етуде.
Ақтау мен Жаңаөзендегі шерушілер Қазақстан президенті Қасым-Жомарт Тоқаевтың аймаққа келуін талап етуде. Бұған қоса, шерушілер премьер-министр Асқар Маминді отставкаға кетуге шақыруда. Жиналғандар мемлекет басшысы екі сағаттың ішінде Маңғыстау облысына келмесе, ертең жұмысқа келмейтіндерін айтты.
Шеруге не түрткі болды?
2 қаңтардан бастап Маңғыстау облысында газ бағасының қымбаттауына байланысты наразылық толқыны орын алды. Жаңаөзендегі кішігірім ереуіл аймақтан тыс жерлерге тараған жаппай наразылыққа ұласты.
Алдымен Жаңаөзендегі митингіге жүздеген көлік иелері көшеге шықты. Олар стихиялы наразылықтарда 1 қаңтардан бастап литрі 100 теңгеден 120 теңгеге қымбаттаған сұйытылған мұнай газының бағасын төмендетуді талап етті. Маңғыстау облысының әкімі Нұрлан Ноғаев алдымен Жаңаөзенде, кейін Ақтауда наразылық білдірушілермен кездесті. Ол жиналғандарды сабырлы болуға, арандатушылыққа бой алдырмауға шақырды. Ол өз сөзінде облыстағы жанар-жағармай құю бекеттері газдың литрін 85 теңгеге дейін төмендеткенін де тілге тиек етті. Алайда ол халықтың газды 50 теңгеге дейін төмендету талабын қанағаттандыру мүмкін емес, себебі бұл өзіндік құнынан төмен және бұл елде газ тапшылығына әкеліп соғады деп түсіндірді.
Шерушілер шеруін жалғастырды. Қаламқастан Ақтауға 300 вахталық жұмысшы жаяу келді. Сонымен бірге, 4 қаңтар күні Ақтауда алаңда өткен митингіге қатысушылардың саны 16 мыңға жетті. Ал, шаһарда үкіметтік комиссия жұмысын бастады. Ақтауда шеруге шыққандарға билік өкілдері шықпады. Адамдар шеңбер құрып, микрофон арқылы өз пікірлерін айтты. Шерушілердің негізгі талаптары – газ бағасын төмендету, наразылық білдірушілердің жалақысын көтеру, жұмыссыздық мәселесін шешу және несиені қайта қаржыландыру. Жиналғандардың көпшілігі жұмысқа барудан бас тартты. Жаңаөзен мен Ақтауда шерушілер үкіметтің отставкаға кетуін талап ете бастады. Олар: «Қазақстан парламенттік республика болуы керек!» деп ұрандатты.
Құрамына президент әкімшілігінің жауапты қызметкерлері кірген үкіметтік комиссия мүшелері бастамашыл топпен келіссөздерді бастау туралы шешім қабылдады. Олар әкімдік ғимаратында жабылып, туындаған мәселелерді шешудің мүмкіндіктерін талқылап жатыр.
Жаңалықтар
- Көкшетауда төтенше жағдай жарияланды
- Алматыда күзетшіні өлтірген ер адам туралы балғын мәлімет пайда болды
- Гүлмира Сатыбалдыға қатысты тергеу аяқталды
- СҚО-да «Көкшетау-Омбы» республикалық тас жолын су басты
- Қазақстан Қытайға ақшаны аз аудара бастады
- Су тасқынынан зардап шеккен қостанайлықтарға көмек көрсетіледі
- Каспий теңізі жағасынан 40 өлі итбалық табылды
- Крокус Сити Холлдағы теракт құрбандарының саны күрт өсті
- Қазақстандағы су тасқыны: Бас прокуратура шенеуніктердің салғырттығын тексереді
- Қазақстанда құны төрт миллиард шикізат заңсыз өндірілді
- Полицейді сынағаны үшін қазақстандық жарты миллионнан астам айыппұл төлейді
- Алматыда жантүршігерлік адам өлтіру оқиғасы болды
- Таразда 18 жыл бойы мемлекетаралық іздеуде болған шетелдік азамат ұсталды
- Атырауда бас дәрігер бюджеттің 50 миллион теңгесін жымқырған
- СҚО-да мемлекеттік сатып алу бойынша жанжалдан кейін үш шенеунік жұмыстан қуылды
- Нүкенованың ағасы сотта қарындасының соққыға жығылған фотосын көрсетті
- Ақмола облысының прокуратурасы заңсыз берілген жерлерді мемлекетке қайтарды
- Абай облысында суда жоғалып кеткен үш адам әлі іздестіріліп жатыр
- Ақтөбе облысының үш ауданында су тасқынына байланысты төтенше жағдай жарияланды
- Алматыдағы нөсер жаңбыр мен екпіні күшті жел: мектеп пен колледждің шатырына зақым келген