«Жұлдызды аспан» сәндік жарықтандыру инсталляциясы Ақтаудың 12 шағын ауданында 43 млн теңгеге орнатылды.

Бұл туралы Orda.kz хабарлады.

Қондырғыны орнатумен мемлекеттік тендер жеңімпазы болған «Clover media group» ЖШС компаниясы айналысты.

Мемлекеттік сатып алу сайтында «Ақтау қалалық тұрғын үй-коммуналдық шаруашылық бөлімі» коммуналдық мемлекеттік мекемесі «Жұлдызды аспан» декоративті жарықдиодты жарықтандыру құрылғысын орнату бойынша қызметтерге тендер жариялады. Оған бюджеттен 38 742 415 теңге қарастырылған.

Қалалық ТКШ бөлімі «Clover media group» ЖШС-мен салықты ескере отырып, 43 391 504,80 теңгеге тиісті жұмыс туралы шарт жасасты.

Ақтауда облыс әкімдігі ғимаратына қарама-қарсы жол бойында көлемі 200 шаршы метр болатын «гүл алаңы» инсталляциясы, «әткеншек триосы» және «қазіргі заманғы киіз үй» сәндік шағын сәулет нысандары орнатылады.

Бөлісіңіз: