Қаңтардағы тәртіпсіздік кезінде келтірілген шығын өтелуде

Жалпы, жұмыс басталғалы бері комиссия 370,3 млн теңге болатын 221 өтінішті мақұлдады.

Алматыда 200-ден астам кәсіпкер қаңтар айының басындағы тәртіпсіздік кезінде келтірілген шығынның орнын толтырды.

ШОБ субъектілеріне келтірілген залалды өтеу жөніндегі облыстық комиссияның кезекті отырысында 337,4 млн теңгеге 204 өтініш қанағаттандырылды, деп хабарлайды қала әкімдігінің сайты.

Оның ішінде «Жаңа Алатау» қайырымдылық қоры арқылы 208,3 млн.теңге сомасына 111 өтініш жолданды. Мемлекеттік кірістер басқармасының мәліметтері бойынша 3 млн. теңгеге дейін шығыны бар кәсіпкерлерге, оның ішінде 93 кәсіпкерге 129,1 млн.теңге сомасында бюджет қаражаты есебінен өтемақы төленеді.

Бұл айналымдағы ресми деректер бойынша  оңайлатылған есептеу формуласы арқылы  мәлімделген залалдың толық шығынына тең.

Жалпы, жұмыс басталғалы бері комиссия 370,3 млн теңге болатын  221 өтінішті мақұлдады.