Қаңтарда Қазақстаннан шетелге 2,6 триллион теңгеге күдікті аударымдар жасалған

Жыл басында өткен жылмен салыстырғанда күдікті транзакциялар үш есе көп болды.

Қаңтарда Қазақстаннан шетелге 2,6 трлн теңге аударылды. Бұл туралы Қаржы мониторингі агенттігінің төрағасы Жанат Еліманов Мәжіліс депутаттарының «Ақ жол» фракциясының сауалына жауабында мәлімдеді, деп жазады ҚазТАГ.

— Биыл республикадан тысқары жерлерге заңсыз аударылу қаупі жоғары жалпы сомасы 150 миллиардтан астам қаржыдан үш есе көп күдікті транзакциялар тоқтатылды және құқық қорғау органдарына жіберілді. Қабылданған шаралардың арқасында шетелдегі қаражатты алуда қалыптан тыс өсім байқалмады. Керісінше, биыл шетелге әдеттегіден 30 пайызға аз қаржы  аударылған. Осылайша, күдікті және шекті транзакциялар бойынша деректерге сәйкес, қаңтарда шетелге аударымдар көлемі 2,6 трлн. құрады, - деді Еліманов депутаттық сауалға жауап бере отырып.

Оның айтуынша, 2021 жылдың дәл осындай кезеңінде шетелге 3,5  триллион теңге аударылған.

—Транзакциялардың 92%-ы тоғыз елде: АҚШ – 1,1 трлн; Ресей – 814 млрд; Ұлыбритания – 176 млрд; Қытай – 80 млрд; Германия – 79,7 млрд; Лихтенштейн – 44,5 млрд; Швейцария – 43,8 млрд; Гонконгқа – 30 млрд, Біріккен Араб Әмірліктеріне – 29,4 млрд. аударылған. Сонымен қатар, мүдделі қызметтермен бірлесіп қолма-қол ақшаны заңсыз әкетуге бақылау күшейтіліп, 4,9 млн АҚШ долларын құрайтын 36 факті анықталды, - деді Қаржы мониторингі агенттігінің төрағасы.

Ол қазіргі уақытта оффшорлық меншік қазақстандық заңнамаға қайшы келмейтінін атап өтті. Трансферттер, мысалы, сыртқы экономикалық қызмет шеңберінде – бейрезидент құрылтайшыларға дивидендтер төлеу түрінде болуы мүмкін.

Бұған дейін Мәжіліс депутаты Мақсат Раманқұлов соңғы 25 жылда Қазақстаннан оффшорлық компанияларға шамамен 140-160 миллиард АҚШ доллары шығарылғанын айтқан болатын. Осы мәлімдемеден сәл кейінірек Қасым-Жомарт Тоқаев заңсыз алынған қаражатты қайтару бойынша ұсыныстар әзірлеуге екі ай уақыт берді.