Қаңтар қырғыны кезінде 18 жастағы сарбазды көпірден лақтырып жіберген

Бас прокуратураның бірінші қызметі бастығының орынбасары Елдос Қылымжанов Қаңтар қырғыны кезінде қарусыз сарбазды көпірден лақтырып жібергені туралы ақпаратпен бөлісті.

Қаңтар қырғыны себебін анықтай келе прокуратура бастапқыда халықтың бейбіт митингке шыққанын растаған. Кейін жағдай қара пейілді топтың қолына өтіп қауіпсіздік қызметіне түрлі кедергілер келтірілген.

«Қаңтар оқиғасының себебі мен салдарын анықтай келе бастапқыда азаматтар бейбіт шеруге бара жатқанын көруге болады. Содан кейін бастаманы тәртіпсіздік пен қиратулар ұйымдастырған қылмыстық және деструктивті күштер қолға алды. Олар мемлекеттік билікті басып алу мақсатында терроризм актілерін жасады.

Қылмыскерлер мемлекеттік органдар нысандарына арнайы шабуыл жасап, түрлі аймақтарда жаппай тәртіпсіздік жасаған.

Осы арқылы олар қосымша құқықтық тәртіп күштерінің келуіне жол бермеуге тырысты. Қауіпсіздік күштерінің сырттан келуі олардың жоспарларына кедергі келтіруі мүмкін деп қорқып, қылмыскерлер теміржолдарды жауып, үш жолаушы және бес жүк пойыздарын тоқтатты» деді Қылымжанов брифингте.

Сонымен қатар Қылымжанов көпірден құлаған 18 жастағы сарбаз туралы айтты.

«Содан кейін олар полиция мен Ұлттық гвардия сарбаздарына шабуыл жасады. Өрт пен қиратулар орын алды. 18 жастағы қарусыз жедел қызмет сарбазын орталық көпірден лақтырған. Ол ғажайыптың арқасында тірі қалды» деді ол.

Ведомствоаралық тергеу тобы 91 істі тергеуде. Оның ішінде: 46 - терроризм актілері бойынша, 45-жаппай тәртіпсіздік.

Сот санкцияларымен - 469 адам қамауда. Осы ауыр құқық бұзушылық бойынша күдіктілерге жазалау шараларын жеңілдету үшін ерекшелік берілген жоқ.