Қаңтар оқиғасында қару-жарақ пен таяқ таратқан бүлікшілер ұсталды

Бас прокуратура Алматыдағы тәртіпсіздіктерге қатысты тергеу амалдары қалай жүріп жатқанын айтты.

Сотқа дейінгі тергеп-тексеру нәтижесінде тәртіпсіздіктерге белсенді қатысқан Алматы қаласының төрт тұрғыны анықталды, оның ішінде біреуі кәмелет жасқа толмаған.

2022 жылдың 5 қаңтарында бұл адамдар басқа қылмыскерлермен бірге Lexus GS300 автокөлігімен қаланы аралап жүріп, «Анна» қару-жарақ дүкенін тонап кеткен.

– Ұрланған қарулар сол көлікпен Республика алаңына жеткізіліп, бүлікшілерге таратылды, - делінген министрліктің сайтында.

Сонымен қатар, 5 қаңтарда «Газель» автокөлігімен Алматы көшелерімен жүріп келе жатқан Алматы қаласы мен Алматы облысының бес тұрғыны сол жерден өтіп бара жатқан бүлікшілерге өздері жасаған темір кесінділерін таратып бергені анықталып, ұсталды.

– Кейін қылмыстық жауаптылықтан құтылу мақсатында жоғарыда аталған қылмыскерлер кейбір сыртқы бөлшектерін бояп, көліктіерін өзгертуге тырысқан. Сот 8 ұсталғанға қатысты 2 ай мерзімге «күзетпен ұстау» түріндегі бұлтартпау шарасын қабылдады. Кәмелетке толмағандар ата-анасының жеке кепілгерлігімен босатылды. Бүгінгі күні тергеу жалғасуда, олардың жаппай тәртіпсіздіктер кезінде басқа да қылмыстарды жасауға қатыстылығы анықталуда, - делінген хабарламада.

Бас прокуратураның мәліметінше, кәмелетке толмаған бала ата-анасының кепіл болуына байланысты босатылған.

– Кәмелетке толмаған бала ата-анасының жеке кепілдігімен босатылды. Бүгінгі таңда тергеу жалғасуда, олардың жаппай тәртіпсіздіктер кезінде басқа да қылмыстарды жасауға қатыстылығы анықталуда, - деп қорытындылады Бас прокуратура.