Полиция кәмелетке толмағандарды қинаған – азаптауға қарсы Коалиция

Қаңтар оқиғасы кезінде қамауда отырған кәмелетке толмағандардың көпшілігі қару мен жарылғыш құрылғыларын ұрлады деген күдікке ілінген, деп хабарлайды Қазақстанның азаптауға қарсы Коалициясы .

Коалицияның мәліметінше, Талдықорғандағы тергеу изоляторында кәмелетке толмаған 12 жасөспірім ұсталған. Қазір олардың сегізі әлі қамауда. Алматыда СИ-18  ұстаудың үш оқиғасы тіркелді, қазіргі уақытта біреуі қамауда. Кәмелетке толмаған 6 баланың үстінен қылмыстық іс қозғалады.

– Кәмелетке толмаған ұсталғандар  құқық қорғаушылар мен ата-аналардың айғақтары бойынша аяусыз ұрып-соғуға (азаптауға) ұшыраған, олардың мақсаты тек мойындату ғана емес, керісінше, олар сот отырысын күтпей-ақ  балаларды  қылмыстары үшін жазалауда, - делінген Коалицияның ақпараттық хабарламасында.

Кәмелетке толмаған күдіктілерге қатысты істер кәмелетке толмағандар істері жөніндегі инспекторлардың, кәмелетке толмағандар ісі жөніндегі психологтар мен мұғалімдердің қатысуынсыз жүргізілгені де  хабарланды. Олардың денсаулығына қатысты шағымдары немесе көмек сұраған өтініштері еленбеген.

Құқық қорғаушылармен әңгімелесу барысында кәмелетке толмағандардың кейбірі бұлтартпау шарасы таңдалған кезде ғана адвокаттарын көргендерін айтты. Көп жағдайда, Коалицияның бақылауына сәйкес, кәмелетке толмағандарды азаптау туралы адвокаттарына (егер болса) және тергеушілерге берген хабарламалары, шын мәнінде, осы уақытқа дейін еленбей келген.

2022 жылғы 4 ақпандағы жағдай бойынша Қазақстанның Азаптауға қарсы коалициясына азаптаулар және басқа да заңсыз әрекеттер туралы 78 хабарлама келіп түсті. Оның 17-сі Алматы, 15-і Талдықорған, 7-і БҚО, 6-ы Қызылордадан. Әйелдерден 9, ерлерден 69 өтініш түскен.

Коалиция азаптаулардың және заңсыз қарым-қатынастың басқа да құрбандарына (немесе болжамды құрбандарына) құқықтық және психологиялық көмек көрсетуге дайын. Ол қазірдің өзінде 25 жәбірленушіні адвокатпен қамтамасыз етіп, төртеуін психологиялық көмекпен қамтамасыз етті.