Қаңтар оқиғасы кезінде зардап шеккендерге өтемақы төлене  бастады

Қаза тапқан 19 және ауыр жарақат алған 106 мемлекеттік мекеме қызметкерінің отбасы өтемақы ала бастады.

Бұған дейін Алматыда 200-ден астам кәсіпкерлерге  қаңтар айының басындағы тәртіпсіздік кезінде келтірілген шығындарының орнын толтырып жатқанын жазған болатынбыз.

Бұл санаттағы жәбірленушілерге төленетін төлемнің жалпы сомасы 451 миллион теңге болды.

 «Қазақстан халқына» қорының Қамқоршылық кеңесі басқармаға қаза болғандар мен ауыр жараланған әскери қызметкерлердің отбасыларына, ішкі істер және ұлттық қауіпсіздік органдары қызметкерлеріне белгіленген қаржыны төлеуді тапсырды.

Сондай-ақ, Қор құзырлы органдармен адам құқықтары және балалар құқықтары жөніндегі уәкілдердің Қорға берген тізімдерінен кездейсоқ құрбан болған азаматтардың өлімінің мән-жайын пысықтауы керек.