Ақтөбеліктер шошқа фермасын жабуды талап етті

Бұзушылықтар жойылғанға дейін Ақтөбе облысындағы «Парижская Коммуна ХХІ» ЖШС шошқа өсіру кешенінің қызметі уақытша жұмысын тоқтатады, деп хабарлайды ORDA

Бестамақ ауылының тұрғындары кәсіпорынды жабуды талап етті. Себебі кешен базадан ағып жатқан қалдық суды өзенге төгіп, қалдықтарын жерге көміп келген. Нәтижесінде, сасық иістен тұрғындардың таза ауада тыныстауы қиындаған. Қазіргі таңда шошқа фермасында тексеру жұмыстары жоспарланған. Тексеру барысында экологиялық стандарттарды бұзу фактілері расталды.

Қалдықтар полигоны 5,6 га құраса, ластанудан 14 миллион теңге зиян келтірілген. Осыған байланысты қылмыстық іс қозғалды. Траншеяның бір бөлігі қазылып, 189 тонна қалдық шығарылды.

Ақтөбе облысының бас экологы Нұржан Аққұлдың айтуынша, «Парижская Коммуна ХХІ» ЖШС бұзушылықтардан келтірілген жалпы шығын 7,27 миллиард теңгені құрады.