13 жастағы өз қызына азғындық жасаған ақтөбелік сотталды

Ақтөбе тұрғыны 13 жастағы өзінің туған қызына азғындық жасағаны үшін кінәлі деп танылып, 12 жылға сотталды, деп мәлімдеді Ақтөбе облысы Алматы ауданының прокуроры Жасұлан Дәулембаев.

«Тергеушінің қорытындысымен келіп түскен қылмыстық істі зерделеу нәтижесі бойынша Ақтөбе қаласы Алматы ауданының прокуратурасы айыптау актісін жасап, 39 жастағы Ақтөбе қаласының тұрғынына қатысты қылмыстық істі сотқа жіберді» деді Дәулембаев.

Прокурордың айтуынша, ер адам бұған дейін де істі болған.

«Тергеу ер адамның басқа отбасы мүшелері жоқ кезде қызына азғындық жасағанын анықтады. Сот мемлекеттік айыптаушының пікірімен келісіп, оны 12 жылға бас бостандығынан айырды» деді прокурор.