Ақтөбедегі жол апаты салдарынан төрт адам көз жұмды

Ақтөбе облысында екі Lada Priora көлігінің бетпе-бет соқтығысуы салдарынан төрт адам қаза тапты.

Тағы алтауы ауруханаға жатқызылды, деп хабарлады Orda.kz.

Адам өліміне алып келген жол-көлік оқиғасы 24 наурызда Қандыағаш - Ембі - Шалқар тас жолында болды. Lada Priora көлігінің 40 жастағы жүргізушісі қарсы жолаққа шығып, алдындағы көліктің алдына шықпақшы болған. Осылайша, ол қарама-қарсы бағытта келе жатқан Lada Priora-ға соғысты.

– Апат салдарынан жүргізуші, 32 жастағы әйел мен 14 жастағы жасөспірім жол-көлік оқиғасы орнында қайтыс болды. Ал үш жасар қыз бала Орталық аймақтық ауруханаға орналастырылды.

Сонымен қатар, басқа көліктің жүргізушісі мен алты жолаушысы да Ембі орталық аймақтық ауруханасына жатқызылды, онда 51 жастағы жолаушы есін жимастан қайтыс болды, - деп хабарлады Ақтөбе облыстық полиция департаментінің баспасөз қызметі.

Жол-көлік оқиғасы фактісі бойынша полиция қызметкерлері ҚР Қылмыстық кодексінің 345-бабы «Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы» бойынша сотқа дейінгі тергеу жүргізуде.