Ақтөбеде зейнеткерді қаққан жүргізуші оқиға орнынан кетіп қалған

24 желтоқсан сағат 19:40-та Орск тас жолындағы Солнечный аялдамасына жақын жерде зейнеткерді белгісіз біреу қағып кеткен.

Ақтөбе облыстық полиция департаментінің мәліметінше, жүргізуші оқиға орнынан қашып кеткен.

Зардап шеккен қария жедел жәрдеммен аурухананың жансақтау бөліміне жеткізілді.

26 желтоқсанда полицейлер жол апатын жасаған жүргізушіні анықтап, ұстады. Ол 26 жастағы жергілікті тұрғын болып шықты. Ол өз кінәсін толық мойындады.

Анықталғандай, жүргізуші қатты жылдамдықпен келе жатып, қарт кісі жаяу жүргіншілер өткеліне қалай жақындағанын байқамай қалған. Жол-көлік оқиғасынан кейін жүргізуші абдырап қалып, ізін жасыруға бел буған. Ол көлікті орманда тығып кеткен.