Ақтөбеде қылмыстық топ кәсіпкерлерді бопсалаған

Ұлттық қауіпсіздік комитеті мен Ішкі істер министрлігі Ақтөбеде арнайы операция өткізіп, нәтижесінде аса қауіпті трансұлттық ұйымдасқан қылмыстық топтың қызметін тоқтатты, деп хабарлады Orda.kz. ҰҚК сайтына сілтеме жасап.

– 2020 жылдың қазан-қараша айларында шабуылдаушылар Беларуссия мен Қазақстаннан келген кәсіпкерлерді Ақтөбеге шақырып, оларға психологиялық және физикалық қысым көрсеткен. Нәтижесінде 87 млн теңге көлемінде кәсіпкерлердің қаражатын иемденгені анықталды, делінген хабарламада.

2021 жылдың ақпанында күдіктілер Мәскеуден ірі инвестициялық компанияның басшысы болып табылатын кәсіпкерді Ақтөбеге шақырады. Осындай әдістермен олар одан 500 мың доллар алуға тырысты.

– Топтың жетекшісі - Қазақстан азаматы, төрт белсенді қатысушы – Ресей азаматтары. Тінту кезінде үш Калашников автоматы, мылтық, маска, банк карталары, ұялы телефондар және басқа да қарулар алынды, деп толықтырды ҰҚК.

Барлық күдіктілер қамауда. Іс ҚР Қылмыстық кодексінің 264-бабы бойынша тергелуде.