Ақтөбеде «соңғы технологиямен жабдықталған» есірткі зертханасы табылды

Ақтөбеде «соңғы технологиямен жабдықталған» есірткі зертханасы табылды, деп хабарлайды Ішкі істер министрлігінің ресми интернет-ресурсы.

«20 мамырда Ақтөбе облысы ІІД Есірткі қылмысына қарсы күрес басқармасының қызметкерлері жедел ақпаратты тексеру барысында арнайы жасақ сарбаздарымен бірлесіп саяжай мен оның маңындағы аумақты тінту кезінде қарасора өсіретін және оны одан әрі өңдейтін  жабдықталған есірткі зертханасын тапты.  48 жастағы саяжай иесі  оны жеке пайдалану үшін өсіргенін түсіндірді. Дәріхана зертханасы соңғы үлгідегі технологиямен жабдықталған. Ұсталған азаматтың айтуынша, ол тұқымдар мен құрал-жабдықтарды интернет-дүкеннен сатып алған» делінген жұма күні тараған хабарламада.

Аталған факті бойынша ҚР ҚК-нің 297-бабының 3-бөлігі (есірткі, психотроптық заттарды, сол тектестерді  беру немесе өткізу мақсатында заңсыз дайындау, өңдеу, иемдену, сақтау, тасымалдау) бойынша сотқа дейінгі тергеу басталды.

— Ұсталған азамат мүлкі тәркіленіп, бес жылдан 10 жылға дейін бас бостандығынан айырылуы мүмкін. Барлық алынған заттар бойынша салмағы 400 грамнан асатын сараптамалар тағайындалды. Күдікті ҚР Қылмыстық-процестік кодексінің 128-бабына сәйкес уақытша ұстау изоляторына қамалды, - деп толықтырды полицейлер.