Ақтөбеде мектебі жоқ ауыл тұрғындары әкімнің алдында жылап жіберді
Ақтөбе облысының әкімін арнайы іздеп келген ауыл тұрғындары Оңдасын Оразалинмен қуып жүріп кездесті.
Шағын бекет тұрғындары әкіммен кездесу үшін үш сағат жол жүріп келген. Әкімдік ғимаратының алдына келіп, тағы сағаттап күтті. Ауыл халқы «Аманат» партиясында отырған Оңдасын Оразалинді шенеуніктердің көмегінсіз өздері тауып алды.
Мұғалжар ауданы Темірмост бекетінің тұрғындары мектеп мәселесіне әкімнің араласуын талап етті. Айтуларынша, кешеден бері балаларын мектепке жіберуді тоқтатқан. Себебі 80 жыл бұрын саманнан салынған мектеп бүгінде құлағалы тұр. Тозығы жетіп, қабырғасы үгітіліп тұрған мектеп төбесі «балалардың үстіне құлап кете ме?» деген қорқыныш бар.
«Мектебіміз апатты жағдайда тұр. Сондықтан мен қазір балаларымды сабаққа жібере алмай отырмын. Төбесі құлайын деп тұр. Оқыс жағдай болса кім жауап береді? Әлде міндетті түрде біреуі өлуі керек пе?» деді ауыл тұрғыны Гүлмира Төлегенова.
Тұрғындар ауылдағы жүзге жуық баланың әр жерге барып оқып жүргенін айтты. Ауылдағы апаттық бекетте қазір бастауыш мектептің 28 баласы ғана оқып жүр. Вокзалдың құлайын деп тұрған ескі ғимаратын 50 жыл бойы мектеп етіп пайдаланғандар бұл қорлықты тоқтатуды талап етті.
Мектептен басқа ештеңе сұрамаймыз
«Біз 9 жылдық мектеп ашып беруін сұраймыз. Мектептен басқа ештеңе сұрамаймыз. Өтінішімізді айтып, облыс әкіміне келіп тұрмыз. Балаларымыздың өмірі үшін қорқамыз. Кешеден бері сабаққа жібермей отырмын» дейді Райшан Байділова.
Облыстық құрылыс басқармасының басшысы Нағымжан Алдияров Темірмост бекетіне салынатын жаңа мектептің құрылысына қажетті жобалық-сметалық құжатының қайта жасалатынын хабарлады.
Басқарма басшыларының жауабына қанағаттанбайтынын айтқан Темірмост тұрғындары әкіммен кездеспей ешқайда кетпейтінін айтты.
«Ешқандай нәтиже жоқ. Күнде ертеңмен шығарып салады. Сондықтан бас тіреп, облысқа келіп тұрмыз. Бізді әкімнің қабылдағанын қалаймыз. Қабылдамаса күнде келе береміз. Орынбасарлары қабылдап-қабылдап тойдық. Қонуға да дайынбыз» деді ауыл тұрғыны Тюльпан Душебаева.
Шенеуніктердің уәдесінен шаршаған тұрғындар облыс әкімінің орынбасарларының да, басқарма басшыларының да жауабын тыңдаған жоқ. Әкіммен кездестіруді талап етті. Бірнеше сағаттан соң «Аманат» партиясында қоғамдық қабылдау жүргізіп жатқан облыс әкімін өз беттерімен тауып алды.
«Мен барлық жағдаймен таныспын. Түсінемін. «Қыркүйекте мектеп ашып беремін» деген құрғақ уәде бере алмаймын. Жобалық сметалық құжаттардың реттелуіне уақыт керек. Бір жыл амалдау керек. Ата-аналар аудан әкімдігі, білім басқармасымен келісуі керек. Балаларды көрші ауылдағы мектепке тасып оқыту немесе ауылдан лайықты орын іздеу қажет. Балаларды сабақтан қалдырмауымыз керек» деді Ақтөбе облысының әкімі Оңдасын Оразалин.
Кездесуге келген тұрғындар әкімнен көздеріне жас алып көмек сұрады.
Әкім «Аманат» партиясының облыстық филиал төрағасының бірінші орынбасары Ербол Данағұловқа ертең ауылға барып, мәселені шешуді тапсырды.
Авторы: Ардақ Ерубаева, Ақтөбе
Жаңалықтар
- Грузия 1 маусымнан бастап туристер үшін кіру шарттарын өзгертеді
- Шымкент әкімі Ұлы Отан соғысы ардагерлеріне пәтер сыйлады
- Армения ҰҚШҰ-ның мүшесі болып қала береді – БАҚ
- Сирия Қорғаныс министрлігі Израильдің Дамаскке соққы бергенін хабарлады
- Катар Шығыс Қазақстанда су электр станциясын салуы мүмкін
- Бюджет шығыстарының төрттен бірі мемлекеттік қарызды өтеуге жұмсалады
- Су тасқынының екінші толқыны екі облыста жалғасуда
- Қазақстан әйелдер денсаулығының әлемдік рейтингінде Ұлыбритания, Франция және Ресейден алда
- Астанада рейд кезінде тәркіленген 10 тонна насыбай өртенді
- Құлсарыда тәулігіне 70 мың текше метр су сорылды
- Жоғары Еуразиялық экономикалық кеңестің мерейтойлық саммитіндегі Тоқаевтың сөзі
- Жастар арасындағы Азия чемпионатында қазақ боксшылары 14 алтын медаль жеңіп алды
- 1 маусымда Алматыда орташа жол жөндеу жұмыстары басталады
- Беларусьте тактикалық ядролық қару сынақтан өтеді
- Қырғызстан Қазақстанға транзиттік тәуелділігін азайтпақ
- Батырдың жүз жылдығына орай Астана мектебіне Рақымжан Қошқарбаевтың есімі берілді
- Jusan Bank-тің жай акцияларының иелері дивиденд алмайды
- Голан төбесінде Қазақстан туы желбіреді
- Қырғызстан мен Тәжікстан шекарасында атыс: зардап шеккендер бар
- Тоқаев «Отан Ана» мемориалына гүл шоқтарын қойып, ардагерлерді Жеңіс күнімен құттықтады