Ақтөбеде кісі өлтірген күдікті ауруханадан қашып кетті

Полицейлер кісі өлтірді деген күдікпен ұсталып, ауруханадан қашып кеткен ер адамды іздестіріп жатыр.

23 қаңтар күні таңертең ол аурухананың хирургия бөлімінде емделіп жатқан кезінде қамаудан қашып кеткен.

Қазіргі уақытта арнайы топ құрылып, ұсталған адамды іздестіру және ұстау бойынша жедел-іздестіру шаралары жүргізілуде.

Аталған факті бойынша Ақтөбе облысының полиция департаменті сотқа дейінгі тергеу амалдарын бастады. Іс ҚР Қылмыстық кодексінің 426-бабы бойынша қаралып жатыр.

«Оқиғаның себептері мен мән-жайын анықтау үшін ҚР Ішкі істер министрлігінің Қылмыстық-атқару жүйесі комитеті ішкі аудит жүргізеді» деді Ақтөбе облысы бойынша ІІД баспасөз қызметі.

Тексеру нәтижелері бойынша қолданыстағы заңнамаға сәйкес шаралар қабылданатын болады.